श्री स्वामी समर्थ सेवा केंद्रात दत्त जयंती निमित्त सामूहिक गुरुचरित्र पारायण व अखंड नाम जप यज्ञ संपन्न.

यावल दि. ४ 

यावल शहरातील श्री स्वामी समर्थ सेवा केंद्र दिंडोरी प्रणित परमपूज्य गुरुमाऊली अण्णासाहेब मोरे यांच्या आशीर्वादाने दत्त जयंती निमित्त सामूहिक गुरुचरित्र पारायण,अखंड नामजप यज्ञ सप्ताहाचे मोठ्या भक्तीमय वातावरणात महाप्रसादात ने सांगता करण्यात आली. 

     श्री स्वामी समर्थ सेवा केंद्र गुरु पिठाचे पीठासीन श्री गुरुमाऊली अण्णासाहेब मोरे दिंडोरी यांच्या मार्गदर्शनातून भुसावळ रोड टेलिफोन ऑफिस जवळ बालसंस्कार व अध्यात्मिक केंद्रात श्री दत्त जयंती व सप्ताहाची गुरुचरित्र पारायण वाचन,व अखंड नाम जप यज्ञ सप्ताहात, गणेश याग, मनोबोध याग . श्री स्वामी याग, गीताई याग . चंडी याग, रुद्रयाग, मल्हार याग व बली पूर्ण आहूती, श्रीदत्त जन्मोत्सव ,सत्यदत्त पूजन ,महाआरती अशा विविध कार्यक्रमाचे आयोजन करण्यात आले होते. या भक्तिमय सोहळ्यात यावल शहरासह तालुक्यातील महिला व पुरुष सेवकरी यांनी मोठा सहभाग नोंदविला होता महाराष्ट्रात श्री स्वामी समर्थांच्या सेवा मार्गात अखंड सेवेकरी या मार्गात जोडले गेले आहेत. तसेच या सप्ताहाला अन्यय साधारण महत्व आहे.

       श्रीदत्त जयंती सोहळा निमित्ताने सुंदर अशी रांगोळी फुलांसह आकर्षक अशा पद्धतीने सजविण्यात आले होते.

       श्री स्वामी समर्थ सेवा केंद्र गुरु पिठाचे पीठासीन श्री गुरुमाऊली अण्णासाहेब मोरे दिंडोरी यांच्या मार्गदर्शनातून भुसावळ रोड टेलिफोन ऑफिस जवळ श्री स्वामी समर्थ बाल संस्कार व सेवा केंद्र येथे दत्त जयंती निमित्त गेल्या सात दिवसापासून अखंड नाम जप यज्ञ सप्ताह सुरू होत आहे यात गुरुचरित्र पारायण सोहळा विविध देवतांचे यज्ञ मंडपात मांडणी व पूजन तसेच सात दिवस अखंड रात्रंदिवस विना वादन श्री स्वामी समर्थ जप श्री स्वामी समर्थ चरित्र सारामृत वाचन असे अखंड सात दिवस सुरू होते यात दिवसा सकाळी सात ते संध्याकाळी सात पर्यंत यावल तालुक्यातील महिलांनी तर संध्याकाळी सात ते सकाळी सात पर्यंत तर पुरुषांनी अखंड नामजप प्रहर सप्ताहात मोठ्या उत्साहाने सहभाग नोंदविला 

     प्रत्येक दिवशी धार्मिक कार्यक्रम घेण्यात आले यात पहिल्या दिवशी ग्रामदेवता सन्मान मंडल मांडणी अग्नी प्रदीपण व दुसऱ्या दिवशी मंडळ स्थापना अग्नी स्थापना स्थापित देवता हवन

तिसऱ्या दिवशी नित्य सहकार गणेश याग मनोबोध याग नित्यस्वाहाकार चंडी याग स्वामी याग रुद्र मल्हार या बली पूर्ण होती व नंतर सत्यदत्त पूजन देवता विसर्जन व अखंड नामजप यज्ञ सप्ताह सांगता मोठ्या उत्साहात करण्यात आले. 

   दिनांक 5 शुक्रवार रोजी सकाळी भूपाळी आरती सत्यदत्त पूजन व त्यानंतर सकाळी साडेदहा वाजता महानैवेद्य आरती अखंड नामजप यज्ञ सप्ताह समारोप झाला.याप्रसंगी स्वामी समर्थ केंद्रातील प्रमुख प्रतिनिधींनी सेंद्रिय शेती सामूहिक सामुद्रिक शास्त्र पर्यावरण प्रकृती विवाह संस्कार व पशुसंवर्धन मुलांवर संस्कार कसे करावे या विविध विषयांवर मार्गदर्शन व आपल्या जीवनात विविध समस्या येणाऱ्या अडचणीवर मार्गदर्शन तसेच पाच जानेवारी२०२६ ला उज्जैन येथें राष्टीय संकट निवरण्यासाठी भस्म लिंगार्चन सोहळा होते आहे आहे . विविध विषयावर सात दिवस वेळोवेळी केंद्रातील. विविध सेवेकर्यांनी मार्ग दर्शन केले

या सप्ताहात ग्रामीण भागातून मोठ्या संख्येने उपस्थिती होती कार्यक्रमासाठी श्री स्वामी समर्थ सेवा केंद्र यावल केंद्रातील सर्व सेवेकर्‍यांनी परिश्रम घेतले.