यावल दि.१३
सातपुडा जंगलात देवझिरी वनक्षेत्र अंतर्गत वन जमीनीवर वृक्षतोड करून अतिक्रमण करण्याचा परप्रांतीय नागरिकांचा डाव उधळल्याचा कांगावा आज वनविभागाकडून करण्यात आला असल्याचे संपूर्ण यावल रावेर चोपडा तालुक्यात बोलले जात आहे.
या केलेल्या कारवाईत अंदाजे दीड लाख रूपयांचे लाकूड जप्त करण्यात आले असून गुन्हा दाखल झाला.याबाबत माहिती अशी की, देवझिरी वनक्षेत्रातील परिमंडळ देवझिरी अंतर्गत नियतक्षेत्र देवझिरी पुर्व कक्ष क्र.१६६ मधील ( पाटी कॅम्प व हंडयाकुंडया कॅम्प ) लगतच्या भागात अज्ञात इसमांनी रात्र अपरात्री राखीव वनात बेकायदा प्रवेश करुन अवैध वृक्षतोड केली होती. ही वृक्षतोड केली त्या टायमाला वन विभाग कर्मचारी अधिकारी कुठे गेले होते आणि हे झाल्यानंतर सदर घटनेबाबत वनरक्षक देवझिरी पुर्व (अ.कार्य) यांनी त्यांचेकडील प्रथम रिपोर्ट क्र. ०२/२०२४ दि.०१.०२.२०२४ मधील वृक्षतोडीबाबत सुमारे दीड लाख रूपयांचे सागवान लाकूड जप्त केले आहे. या संदर्भात भारतीय वनअधिनियम.१९२७ चे कलम २६ (१) अ, ड, फ अन्वये वनगुन्हा जारी केला आहे. सदर गुन्हयाचा अधिक तपास केला असता मुद्देमाला हा त्या ठिकाणी पडून होता आणि आहे.
अवैध वृक्षतोड करताना आणि वाहतूक सुरू असताना आतापर्यंत वन विभागाने किती वेळा कारवाई केली..? वन विभाग काही अधिकाऱ्यांचे अवैध लाकूड व्यावसायिकांशी संगणमताने आर्थिक व्यवहार आहेत का..?
वन गुन्हयात अज्ञात आरोपी फरार कोणाच्या आशीर्वादाने होतात,आरोपींचा शोध घेण्याबाबत ठोस कारवाई काय..? मुददेमाल हा वनक्षेत्र देवझिरी डेपोत जमा केला असला तरी हा निव्वळ कारवाईचा कांगावा आणि देखावा केल्याचे संपूर्ण यावल रावेर चोपडा तालुक्यात बोलले जात आहे.
दि.९ फेब्रुवारी २०२४ रोजी सहाय्यक वनसंरक्षक ( वनीकरण व वन्यजीव ) चोपडा यांनी वनपरिक्षेत्र अधिकारी देवझिरी,क्षेत्रीय कर्मचारी व ५१२ स्टॉफ यांचेसह नियतक्षेत्र देवझिरी पुर्व कक्ष क्र.१६६ मधील अवैध वृक्षतोड झालेल्या क्षेत्राची पाहणी केली होती. ती वृक्षतोड केव्हा आणि कधी झाली याबाबत सुद्धा अनेक प्रश्न उपस्थित केले जात आहेत त्यानंतर ११ फेब्रुवारी २०२४ रोजी उपवनसंरक्षक यावल वनविभाग जळगांव यांनी देखील वनपरिक्षेत्र अधिकारी देवझिरी,क्षेत्रीय कर्मचारी व स्टॉफ यांचेसह नियतक्षेत्र देवझिरी पुर्व कक्ष क्र.१६६ मधील अवैध वृक्षतोड झालेल्या क्षेत्राची पाहणी करुन क्षेत्रीय अधिकारी व कर्मचारी यांना सुचना दिल्या होत्या. त्यानुसार संबंधित वन अधिकारी कर्मचाऱ्यांनी काय दक्षता बाळगली आणि काय ठोस कारवाई करणार..?
काल म्हणजे दि.१२ रोजी जिल्हाधिकारी आयुष प्रसाद यांच्यासह उपवनसंरक्षक यावल वनविभाग जळगांव, सहाय्यक वनसंरक्षक (वनीकरण व वन्यजीव) चोपडा,उपविभागीय अधिकारी अमळनेर भाग अमळनेर, उपविभागीय पोलीस अधिकारी चोपडा,वनपरिक्षेत्र अधिकारी चोपडा (प्रा,व पोलीस निरीक्षक चोपडा ग्रामीण पोलीस स्टेशन चोपडा यांनी घटनास्थळी जावून भेट झालेल्या अवैध वृक्षतोडीची जागेवर जावून पाहणी केली आहे
सदर घटनेबाबत तात्काळ आरोपींचा शोध घेवून संबंधितांविरुद्ध विरुंध्द गुन्हा दाखल करणे बाबत सुचना दिल्या आहेत. या संदर्भात वन खात्याने नागरिकांना आवाहन करत वनगुन्हे बाबत कांहीएक बातमी असल्यांस वनविभागाच्या हॅलो फॉरेस्ट १९२६ या संकेतस्थळावर कॉल करुन माहिती दयावी व वनजमिनीवर अतिक्रमण करण्यासाठी जंगलाची तोड करु नये असे आवाहन केले आहे. हे आव्हान सुद्धा कारवाईचा एक भाग असून सातपुडा जंगलातील जंगल मे मंगल हे सर्वानुमते होत असल्याने सातपुड्यात कारवाईचा फक्त कांगावा केला जात असल्याचे सुद्धा बोलले जात आहे आणि वन अधिकारी कर्मचारी हे वन विभागातील माहिती प्रसिद्धी माध्यमांना देताना जे आपल्या बाजूने बातम्या देतात त्यांनाच सोयीनुसार प्रसिद्धीसाठी माहिती दिली जाते असे सुद्धा बोलले जात आहे.
दरम्यान, सदर अतिक्रमणाचा प्रयत्न करणारे आदिवासी हे मध्यप्रदेशातील असल्याची प्राथमिक माहिती मिळाली असून या अनुषंगाने मध्यप्रदेशाच्या वनपरिक्षेत्र अधिकार्यांशी संपर्क साधून गुन्हेगारांना शोधण्याचे काम सुरू करण्यात आले आहे.
टिप्पणी पोस्ट करा